2020-ci il sentyabrın 27-dən noyabrın 10-dək olan dövrdə döyüş əməliyyatlarında iştirak etmiş şəxslərə 2022-ci il yanvarın 1-dən etibarən 80 manat məbləğində Prezident təqaüdü veriləcək.
Bu qərar Prezident İlham Əliyevin dekabrın 29-da imzaladığı “Azərbaycan Respublikasının ərazi bütövlüyü uğrunda döyüş əməliyyatlarında iştirak etmiş şəxslərə “Müharibə veteranı” adının verilməsi ilə bağlı tədbirlər haqqında” sərəncamda əksini tapıb.
Sərəncama əsasən, Müdafiə Nazirliyi, DİN, Ədliyyə Nazirliyi, FHN, Dövlət Sərhəd Xidməti, Azərbaycan Respublikası Prezidentinin Təhlükəsizlik Xidməti, Səfərbərlik və Hərbi Xidmətə Çağırış üzrə Dövlət Xidməti, Rabitə və İnformasiya Təhlükəsizliyi Dövlət Xidməti və Azərbaycan Respublikasının Strateji Obyektlərin Mühafizəsi Dövlət Agentliyi həmin şəxslərin siyahısını 2022-ci il yanvarın 1-dən etibarən müəyyən etməlidir.
