Bakıda vətəndaşlara qarşı dələduzluq etməkdə təqsirləndirilən Bəxtiyar Yusifov 8 il 6 ay müddətinə azadlıqdan məhrum olunub. Bu haqda aprelin 12-də Report xəbər paylaşıb.
B.Yusifov özünü Daxili İşlər Nazirliyi Baş Dövlət Yol Polisi İdarəsinin rəisi, polis general-mayoru Ramiz Zeynalovun qohumu kimi təqdim edərək dələduzluq edib.
O, Cavid Mehralıyevdən qardaşı Yaşar Mehralıyevi prokurorluq orqanında texniki işçi kimi işə düzəltdirəcəyini vəd edərək 59 000 manat pul alıb.
Həmçinin Bəxtiyar Yusifov Y.Mehralıyevin hərbi biletinin də yararsız qeydini yararlı ilə əvəz etdirəcəyini və Xətai Rayon Polis İdarəsinə polis kimi işə düzəltdirəcəyini vəd edərək sözügedən şəxsdən 81 000 manat pulu ələ keçirib.
