Rusiyanın ən varlı iş adamlarının ümumi sərvəti 2026-cı ilin əvvəlindən etibarən 19,77 milyard dollar azalıb.
Bu barədə "Bloomberg Billionaires Index"in məlumatlarına istinadən xəbər yayılıb.
Məlumata görə, sərvəti ən çox azalan rusiyalı milyarderlər arasında Mixail Proxorov, Vladimir Potanin, Əlişir Usmanov və "Telegram"ın təsisçisi Pavel Durov yer alır.
Belə ki, ilin əvvəlindən Mixail Proxorovun sərvəti 6,45 milyard dollar, Vladimir Potaninin sərvəti 3,73 milyard dollar, Əlişir Usmanovun sərvəti 2,92 milyard dollar, Pavel Durovun sərvəti isə 2,56 milyard dollar azalıb.
Bununla yanaşı, bəzi rusiyalı milyarderlərin sərvətində artım qeydə alınıb. Aleksey Mordaşovun sərvəti 1,43 milyard dollar, Gennadi Timçenkonun sərvəti 853 milyon dollar, Leonid Mixelsonun sərvəti 460 milyon dollar, Dmitri Rıbolovlevin sərvəti 319 milyon dollar, İsgəndər Mahmudovun sərvəti isə 198 milyon dollar artıb.
Qeyd edək ki, 2026-cı ilin iyununda Rusiyanın ən zəngin biznesmenlərinin ümumi sərvəti ilin əvvəlindən 21,85 milyard dollar artmışdı. Lakin sonrakı aylarda vəziyyət dəyişib və sentyabrın əvvəlinə ümumi azalma 19,77 milyard dollara çatıb.
