Fevralın 28-də İsmayıllı rayonunun Kürdmaşı kəndində iki şəxsin baş nahiyəsinə daşla vuraraq ağır xəsarətlər yetirən şəxs saxlanılıb. Bu haqda mayın 13-də Report məlumat yayıb.
Kənd sakini birlikdə tikintidə işləyən tanışları ilə mübahisə edib və sonuncuları daşla yaralayıb.
Daha sonra həmin 2 şəxs “VAZ-2106” markalı avtomobilə minərək yollarına davam edən zaman qəzaya düşüblər və sərnişinin biri vəfat edib.
Faktla bağlı “Qəsdən sağlamlığa ağır zərər vurma - iki və ya daha çox şəxsə qarşı, habelə təkrar və ya bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik tərəfindən törədildikdə” maddəsi ilə cinayət işi başlanılıb.
