2022-ci ilin yanvar-aprel aylarında Azexport.az portalına 162,7 milyon dollar dəyərində ixrac sifarişləri daxil olub. Bu barədə 31 may tarixində İqtisadi İslahatların Təhlili və Kommunikasiya Mərkəzinin hesabatında əks olunub.
Hesabata əsasən, cari ilin aprel ayında sözügedən portala daxil olan ixrac sifarişlərinin dəyəri 30,1 milyon dollar təşkil edib. 2022-ci ilin aprel ayında Azexport.az portalına edilən ixrac sifarişlərinin tərkibində pambıq yağı, trufel göbələyi, pambıq çiyidi, duz, konservləşdirilmiş heyvan əti, buğda unu, qarğıdalı, fındıq, nar konsentratı, tibbi tənzif, kartof və s. məhsullar üstünlük təşkil edib.
Qeyd olunub ki, 2017-ci ilin yanvar ayından 2022-ci ilin 30 aprel tarixinə kimi Azexport.az portalına dünyanın 145 ölkəsindən daxil olan ixrac sifarişlərinin dəyəri 2,96 milyard dollar təşkil edib.
