Vətən müharibəsində şəhid olmuş mayor, hərbi pilot Qasımov Abbas Rza oğlunun ailəsi də “Qardaş ailə” layihəsi çərçivəsində Türkiyəyə yola salınıb. Bu barədə 20 oktyabr tarixində Əmək və Əhalinin Sosial Müdafiəsi Nazirliyi məlumat verib.
Layihə çərçivəsində şəhidin ailə üzvləri Türkiyənin Urfa şəhərində olacaq, Urfa və ətraf şəhərləri gəzib həmin bölgənin görməli yerləri, tarixi abidələri ilə tanış olacaqlar.
Qeyd edək ki, layihə çərçivəsində ötən ay şəhid mayor İlkin Əhədzadənin ailə üzvləri Türkiyədə səfərdə olub, 4 gün ərzində Sivas və ətraf şəhərlərin görməli yerləri, tarixi abidələri ilə tanış olublar.
