Ağcabədi rayonunda yerləşən mağazadan oğurluqda şübhəli bilinən şəxs “isti izlərlə” saxlanılıb. Bu barədə İnsanoid DİN-ə istinadən bu gün, 28 yanvar tarixində xəbər verir.
Rayonun Aşağı Mehrablı kəndində yerləşən mağazaya pəncərədən daxil olaraq həmin obyektdən oğurluq etməkdə şübhəli bilinən Beyləqan rayon sakini Pənah Həsənli “isti izlərlə” saxlanılıb.
Onun danışıq kartları, tütün məmulatları, spirtli içkilər və ərzaq məhsulları oğurlayaraq zərərçəkmişə müəyyən miqdarda ziyan vurduğu müəyyən edilib. Əşyaların bir qismi maddi sübut kimi aşkar edilərək götürülüb.
Faktla bağlı Ağcabədi RPŞ-də cinayət işi başlanılıb, araşdırmalar davam etdirilir.
[caption id="attachment_103373" align="alignnone" width="300"]
Foto DİN[/caption]
