Ağsu rayonunun Çiyni kəndində 1 764 hektar ərazidə yaradılan aqroparkda taxıl yığımına başlanılıb. Bu barədə 17 iyun tarixində İqtisadiyyat Nazirliyinin rəsmi səhifəsində məlumat verilib.
Məlumata əsasən, aqroparkın 1 281 hektar sahəsində arpa, buğda, qarğıdalı və yonca əkilib. Həmçinin heyvandarlıq kompleksində 1 264 baş südlük və ətlik iribuynuzlu heyvan saxlanılır. Aqroparkda günlük istehsal gücü 120 ton olan toxum, 150 ton olan yem zavodları, ümumi tutumu 13 500 kubmetr olan 9 taxıl anbarı və ümumi tutumu min kubmetr olan 10 silos anbarı fəaliyyət göstərir.
Qeyd edək ki, indiyədək aqroparka 18 milyon manat investisiya yatırılıb. Ötən il aqroparkda 2 584 ton arpa, 3 143 ton buğda, 4 963 ton silos qarğıdalı, 1 395 ton dən qarğıdalı, 444 ton yonca, 2 838 ton süd və 66 ton ət istehsal edilib. Aqroparkda 200 daimi, 250 mövsümi iş yeri yaradılıb.
