“İşəgötürənlə birgə işçilərin əməkhaqqının maliyyələşdirilməsi” proqramı üzrə daha 546 işsiz şəxsə iş yerlərinə göndərişlər verilib. Bu barədə 19 may tarixində Əmək və Əhalinin Sosial Müdafiəsi Nazirliyinin rəsmi səhifəsində məlumat verilib.
Məlumata əsasən, ötən dövr ərzində sözügedən proqram üzrə 750 şəxs işlə təmin edilib. Onlar, əsasən, şəhid ailəsi üzvləri və qazilərdir. Proqram çərçivəsində 270-dək işəgötürənlə əməkdaşlığa başlanılıb. İşəgötürənlər proqrama linkə daxil olaraq müraciət edə bilərlər.
Qeyd edək ki, proqram üzrə işlə təmin edilən şəxslərin 1 il ərzində əməkhaqlarının bir hissəsi Dövlət Məşğulluq Agentliyi tərəfindən ödənilir.
