Avtoxuliqanlıq edərək həmin görüntüləri sosial şəbəkələrdə paylaşan Astara sakini həbs edilib. Bu barədə 5 noyabr tarixində APA məlumat verib.
Astara rayon sakini Elşən Əliyev idarə etdiyi "Vaz 2106" markalı avtomobillə avtoxuliqanlıq hərəkətləri edərək ictimai asayişi pozub. Bu əməlini, eyni zamanda sükan arxasında spirtli içki qəbul etməsinə dair görüntülərini sosial şəbəkələrdə paylaşıb.
Saxlanılan həmin şəxs müvafiq tibbi müayinədən keçdikdən sonra onun, həm də narkotik vasitə istifadəçisi olduğu müəyyən edilib.
E.Əliyev 25 gün müddətində inzibati qaydada həbs edilib.
