2022-ci ilin yanvar-aprel aylarında Azərkosmos tərəfindən dünyanın 32 ölkəsinə 8,5 milyon dollar dəyərində xidmət ixrac edilib. Bu barədə 31 may tarixində İqtisadi İslahatların Təhlili və Kommunikasiya Mərkəzinin dərc etdiyi hesabatda deyilir.
Məlumata əsasən, hesabat dövründə peyk telekommunikasiya və optik peyk xidmətləri ən çox Birləşmiş Krallıq (2,2 milyon dollar), Fransa (1,7 milyon dollar), Lüksemburq (1,5 milyon dollar), BƏƏ (0,9 milyon dollar) və Pakistana (0,5 milyon dollar) ixrac edilib. Cari ilin aprel ayında isə dünyanın 31 ölkəsinə 2,3 milyon dollar dəyərində xidmət ixrac edilib.
Azərkosmos 2010-cu ildə təsis edilib. Təşkilat peyk telekommunikasiya xidmətləri və optik peyk xidmətləri ixrac edir.
