"Azərsun Sənaye Parkı”nda baş vermiş yanğına görə dəymiş ziyanı Almaniyanın "Hellman&Friedman" təkrarsığorta şirkəti ödəyəcək. Bu barədə iyunun 24-də holdinqin baş icraçı direktoru Savaş Uzana istinadən Report məlumat verib.
Onun sözlərinə əsasən, artıq sığorta ödənişi üçün şirkətə müraciət olunub və rəsmi hesabatların açıqlanması üzrə işlər aparılır.
Qeyd edək ki, aprelin 28-də “Azərsun Sənaye Parkı”nın ərazisində güclü yanğın başlamışdır. Yanğın nəticəsində dəyən ziyanın məbləğinin 10 milyon manatlarla ölçüldüyü bildirilmişdi.
