Oktyabrın 19-dan məktəbəqədər təhsil müəssisələrinə tərbiyəçi-müəllimlərin işə qəbulu üzrə müsabiqənin müsahibə mərhələsi başlanılıb. Bu barədə 19 oktyabr tarixində Elm və Təhsil Nazirliyi məlumat verib.
Müsahibələrə 775 nəfər dəvət edilib.
28 oktyabr tarixinədək davam edəcək müsahibələr zamanı namizədlərin nitq, kommunikasiya və təlimin təşkili bacarıqları, peşəyə yanaşma və dəyərləri müvafiq komissiya tərəfindən yoxlanılacaq.
Qeyd olunub ki, namizədlər müsahibədən öncə psixoloji testə cəlb olunurlar.
