Ötən gün, iyunun 15-də paytaxt çimərliklərinin birində ölüm hadisəsi baş verib. Bu barədə Fövqəladə Hallar Nazirliyi məlumat paylaşıb.
Sabunçu rayonu, Pirşağı qəsəbəsi yaxınlığında 29 yaşlı Vüqar Zülfüqarov ailə üzvləri ilə birgə çimərlikdə istirahət edərkən dənizdə bir nəfərin boğulduğunu görüb. O, həmin şəxsə kömək edərkən özü daxili orqanlarına su dolması səbəbindən həlak olub.
Mərhumun meyiti aşkarlanaraq aidiyyəti üzrə təhvil verilib.
Qafqazinfo-nun verdiyi məlumata görə, Vüqar Zülfüqarov sürücülük kursunun rəhbəri olub. O, anadan olduğu Salyanın Şorsulu kəndində dəfn edilib.
