Balakən sakinlərindən odlu silah və narkotik vasitələr aşkarlanıb. Bu barədə İnsanoid DİN-ə istinadən bu gün, 12 yanvar tarixində xəbər verir.
RPŞ-nin əməkdaşları tərəfindən qanunsuz saxlanılan odlu silah-sursatın aşkar edilərək götürülməsi istiqamətində əməliyyatlar keçirilib. Keçirilən tədbirlər zamanı rayon sakinləri - Mənsur Qaracayev, Mahir Akqubayev, Mehman Salihov və Aydın Cücüyevdən qanunsuz olaraq saxladıqları ümumilikdə 4 ədəd “İJ” markalı ov tüfəngi, eləcə də həmin silahlara məxsus patronlar aşkarlanıb. Həmin şəxslər barəsində toplanmış materiallar baxılması üçün rayon məhkəməsinə göndərilib.
Aparılan digər əməliyyatlar nəticəsində isə narkotiklərin qanunsuz döviyyəsi ilə məşğul olan, əvvəllər məhkum olunmuş Mehdi Qunduzov və Nicat Məmmədov saxlanılıblar. Onların üzərinə baxış keçirilərkən narkotik vasitə olan qurudulmuş marixuana aşkarlanıb.
Hər iki faktla bağlı cinayət işi başlanılıb, istintaq hərəkətləri davam etdirilir.
[gallery columns="2" link="file" size="full" ids="101181,101182"]
