Cari ilin əvvəlindən indiyədək Balakən rayonunda 11 901 tərəvəz istehsal edilib. Bu barədə 13 iyun tarixində Balakən Rayon Statistika İdarəsinə istinadən Azərtac məlumat verib.
Məlumata əsasən, rayonda 2 037 hektar sahədə tərəvəz bitkiləri əkilib. İndiyədək 755,4 hektar sahədən məhsullar yığılıb. Yığılan məhsulun 8 640 tonu xiyar, 1 355 tonu yaşıl lobya, 896 tonu sarımsaq, 563 tonu pomidor, 447 tonu isə digər tərəvəzlərdir.
Rayonda, həmçinin indiyədək kartof əkilmiş 618 hektar sahənin 135 hektarından 1 314 ton məhsul yığılıb.
