Balakəndə narkotacir saxlanılıb. Bu barədə İnsanoid DİN-ə istinadən bu gün, 10 yanvar tarixində xəbər verir.
Rayonun Qullar kənd sakini, əvvəllər dəfələrlə məhkum olunmuş Asluddin Motuxov üzərində odlu silah gəzdirməkdə şübhəli bilinərək saxlanılıb.
Şəxsi axtarış zamanı keçmiş məhkumdan “PM” markalı tapança, həmin silaha məxsus sandıqça və patron, eləcə də narkotik vasitə olan marixuana aşkarlanıb. Asluddin Motuxov ifadəsində tapançanı təxminən 2 ay əvvəl balıq ovuna gedərkən çayın kənarından tapdığını, lakin polisə təhvil verməyərək özündə saxladığını bildirib.
Polis əməkdaşları tərəfindən keçirilən digər əməliyyatlar nəticəsində isə rayon ərazisində narkotik vasitələrin satışı ilə məşğul olan Samiddin Quliyev, Fərid Layıcov və Habil Butdayev tutulublar.
Üzərlərinə keçirilən baxış zamanı onlardan heroin və marixuana aşkar edilərək götürülüb.
Faktlarla bağlı cinayət işi başlanılıb, əməliyyat-istintaq tədbirləri davam etdirilir.
[caption id="attachment_100968" align="alignnone" width="640"]
Foto DİN[/caption]
