Baş Dövlət Yol Polisi İdarəsi və Aqrar Xidmətlər Agentliyi aqrar sahədə çalışan şəxslərə müraciət edib. Bu barədə 28 iyun tarixində Kənd Təsərrüfatı Nazirliyi məlumat yayıb.
Bildirilib ki, sürücülər tərəfindən daşımaların texniki standartlara uyğun gəlməyən, xarici işıq cihazları nasaz yük avtomobillərində daşınması, məhsulun qablaşdırılmadan çəki və ölçü parametrləri aşılmaqla aparılması ağır yol-nəqliyyat hadisələrinin baş verməsinə şərait yaradır.
Baş Dövlət Yol Polisi İdarəsi tərəfindən kənd təsərrüfatı sahəsində işləyən və bu növ məhsulların daşınması fəaliyyəti ilə məşğul olan şəxslərdən xahiş olunur ki, məhsullarının daşınması yalnız texniki cəhətdən saz vəziyyətdə olan nəqliyyat vasitələri ilə həyata keçirilsin.
