Havay sahillərindən 1 600 km aralıda, dənizin dibindəki “USS Yorktown” təyyarədaşıyan gəmisində aparılan tədqiqat zamanı II Dünya Müharibəsi dövrünə aid sirli avtomobil aşkarlanıb.
“NOAA Ocean Exploration” komandası tərəfindən həyata keçirilən dalğıc işləri zamanı 1942-ci ildə batan gəminin anqarında heç bir sənəddə qeyd olunmayan 1940-41-ci illərə aid “Ford Super Deluxe Woody Wagon” modeli aşkar edilib.
Avtomobilin ön nömrə nişanında "GƏMİ XİDMƏTİ" sözləri qismən oxunsa da, tam məlumat almaq mümkün olmayıb. Mütəxəssislər avtomobilin gəminin kapitanı və ya kontr-admiral Frank Fletçerə aid ola biləcəyini ehtimal edirlər.
Maraqlısı odur ki, bu dövrdə ABŞ hərbi gəmilərində şəxsi avtomobil saxlanmasına dair başqa heç bir nümunə yoxdur.
Bu tapıntının sirrinin araşdırılması davam edir.
