Beyləqanın Dünyamalılar kəndi ərazisindəki mağazalardan pul və əşyalar oğurlayan şəxs saxlanılıb. Bu haqda iyunun 17-də APA xəbər yayıb.
Oğurluğu törətməkdə şübhəli bilinən rayon sakini Sahib Şükürov əvvəllər də məhkum olunub. O, may və iyun aylarında kəndin mağazalarına daxil olaraq 10 min manatdan artıq nağd pul və digər əşyalar oğurlayıb.
O, bu əməlləri törədərkən təhlükəsizlik kameralarına yaxalanmamaq üçün üzünü maska vasitəsi ilə gizlədib.
Faktla bağlı cinayət işi başlanılıb və məhkəmənin qərarı ilə 3 ay müddətinə həbs qətimkan tədbiri seçilib.
