2022-ci ilin ötən dövründə 51-i oğlan, 41-i isə qız olan 92 uşaq övladlığa götürülüb. Bu barədə 20 may tarixində Əmək və Əhalinin Sosial Müdafiəsi Nazirliyi məlumat verib.
Bildirilib ki, övladlığa götürülənlərdən 58-i 0-3 yaş, 26-sı 4-11 yaş, 8-i 12-18 yaş aralığındadır. Məlumata əsasən, sözügedən dövr ərzində 42 uşaq öz ailəsinə reinteqrasiya edilib. Ailəsinə qaytarılmış uşaqlardan 3-ü sağlamlıq imkanları məhdud uşaqlardır.
Qeyd olunub ki, övladlığa götürülən uşaqların 18 yaşına çatanadək ilk ildə hər rüb, növbəti illərdə isə ildə bir dəfə ailələrdəki vəziyyətinin öyrənilməsi üçün monitorinqlər aparılır.
Övladlığa götürmə üzrə idarəetməni 1 noyabr 2019-cu il tarixindən Əmək və Əhalinin Sosial Müdafiəsi Nazirliyi həyata keçirir.
