Cari ilin ötən dövründə 106 uşaq övladlığa verilib. Bu haqda iyunun 21-də Sosial Xidmətlər Agentliyindən APA-ya bildirilib.
Övladlığa götürmə ilə bağlı 2020-ci ildə 157 müraciət daxil olub. Ötən il isə bu göstərici 2,4 dəfə artaraq 378 təşkil edib.
Qeyd edək ki, övladlığa götürmə üzrə idarəetmə 1 noyabr 2019-cu il tarixindən adıçəkilən qurum tərəfindən həyata keçirilir. Həmin vaxtdan 254 uşaq yeni ailələrə təhvil verilib. Onlardan 131-i oğlan, 123-ü qız olub.
Sözügedən prosesin təfərrüatları ilə adoption.mlspp.gov.az sayt vasitəsilə tanış olmaq olar.
