Bu ilin 9 ayı ərzində narkotikin qanunsuz dövriyyəsi ilə bağlı 8 694 cinayət faktı aşkarlanıb. Bu barədə oktyabrın 20-də Narkomanlığa və Narkotik Vasitələrin Qanunsuz Dövriyyəsinə Qarşı Mübarizə Üzrə Dövlət Komissiyasından məlumat verilib.
Onlardan 2 941-i narkotik vasitələrin qanunsuz satışı, 5 286-sı narkotik vasitələrin qanunsuz əldə edilib saxlanılması, 387-si qanunsuz olaraq narkotik xassəli bitkilərin kultivasiya edilməsi, 80-i isə bu kateqoriyadan olan digər cinayətlərlə bağlı oub.
Bu il qanunsuz narkotik satışı ilə bağlı 6 249 nəfər məsuliyyətə cəlb edilmişdir ki, onlardan da 6079-u kişi, 170-i qadın olub. Cinayət məsuliyyətinə cəlb edilən şəxslərdən 74 nəfəri xarici ölkə vətəndaşıdır.
