Cari ilin yanvar-may aylarında 86 qadın sahibkara 1,8 milyon manat güzəştli kredit ayrılıb. Bu da ötən ilin müvafiq dövrü ilə müqayisədə 2,5 dəfə çoxdur. Bu barədə 28 iyun tarixində Sahibkarlığın İnkişafı Fondunun rəsmi səhifəsində məlumat verilib.
2021-ci ilin ilk 5 ayı ərzində 31 sahibkar qadın güzəştli kreditlərdən yararlanıb. Ötən il ərzində isə 145 qadın sahibkara 12 milyon manat güzəştli kredit ayrılıb. Nəticədə layihələr üzrə 303 yeni iş yeri açılıb.
Ümumilikdə, cari ilin ilk 5 ayında 1 226 investisiya layihəsi üzrə 43,7 milyon manat güzəştli kredit verilib. Həmin layihələrdə 1 016 iş yerinin yaradılması nəzərdə tutulub.
