Bu ilin ilk 5 ayı ərzində 5 411 nəfərə 24 minə yaxın reabilitasiya vasitəsi verilib. Bu barədə 21 iyun tarixində APA Dövlət Tibbi-Sosial Ekspertiza və Reabilitasiya Agentliyinin nümayəndəsinin sözlərinə istinadən məlumat verib.
Nümayəndə bildirib ki, yanvarın 24-dən bəri reabilitasiya xidməti almaq üçün 8500-dən çox vətəndaş rezervasiyası formalaşdırılıb. O qeyd edib ki, vətəndaşlar şəxsiyyət vəsiqələri ilə Dövlət Tibbi-Sosial Ekspertiza və Reabilitasiya Agentliyinə yaxınlaşmaqla istədikləri tarixləri seçib, rezervasiya edə bilərlər.
Onun sözlərinə görə, bu il 4800-dən çox stasionar reabilitasiya xidməti göstərilib.
