Cari ilin ilk 4 ayı ərzində istehlakçılara 144,9 milyondan çox çek üzrə 56,5 milyon manatdan artıq ƏDV geri qaytarılıb. Bu barədə 27 may tarixində Dövlət Vergi Xidmətinin Vergi ödəyicilərinə xidmət Baş İdarəsinin rəisi Elçin Məmmədov məlumat verib.
Məlumata əsasən, edvgerial.az portalında 1,7 milyona yaxın istifadəçi qeydə alınıb. Ümumilikdə indiyədək istehlakçılara 573,2 milyona yaxın kassa çeki üzrə 228,5 milyon manata yaxın vəsait geri qaytarılıb.
Qeyd edək ki, 2021-ci ilin ilk 4 ayı ərzində istehlakçılara 38 milyon manata yaxın ƏDV məbləği qaytarılıb.
