Məşhur müğənni Cennifer Lopez sosial şəbəkədə şəkillərini paylaşdığı üçün məhkəməyə verilib. Bu barədə "BBC" məlumat yayıb.
Qeyd edilib ki, o dəvət aldığı qonaqlıqlardan birində lentə alınan şəkillərini sosial şəbəkə izləyiciləri ilə bölüşüb.
Bundan sonra sənətçinin müəllif hüquqlarına zidd addım atdığı bildirilib və o, məhkəməyə verilib.
Sözügedən qonaqlıq "Qızıl Qlobus" mükafatları mərasimindən əvvəl "Vanity Fair"in təşkil etdiyi dəvətdir.
Şəkili çəkən fotoqraf Eduin Blanko və onun əməkdaşlıq etdiyi "Backgrid" şirkəti hər foto üçün Lopezdən 150 000 dollar tələb edir.
Fotolar sənətçinin qonaqlığa daxil olduğu anda lentə alınıb.
