“YAŞAT” Fondu tərəfindən daha bir qazi müalicə məqsədilə Türkiyəyə göndərilib. Bu barədə oktyabrın 19-da Fonddan məlumat verilib.
Belə ki, ağır yaralanan qazilərdən biri Ələkbərov Ömər Teymur oğlu Türkiyəyə göndərilib.
Fond qazimizin müalicəsi tam yekunlaşana qədər onu nəzarətdə saxlayacaq.
Xatırladaq ki, bu günə qədər 177 qazi müalicə üçün Türkiyəyə göndərilib. Onlardan 155-nin müalicəsi artıq uğurla yekunlaşıb və Vətənə qayıdıblar. Qazilərin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.
