"Azərpoçt" MMC-nin adından dələduzluq məqsədi ilə yenidən saxta saytların yaradıldığı aşkarlanıb. Bu barədə 9 yanvar tarixində Xüsusi Rabitə və İnformasiya Təhlükəsizliyi Dövlət Xidməti məlumat verib.
Dələduzlar "sual-cavab nəticəsində "Azərpoçt"dan 600 manat qazanmaq imkanı" adı ilə şirnikləndirici saxta kampaniya başladıblar.
“Vətəndaşlar belə saxta kampaniyalara aldanmamaq, kart və fərdi məlumatlarını saxta saytlara əlavə etməmələri üçün reklam edilən kampaniyalara keçid zamanı səhifənin domen adını diqqətlə yoxlamalıdırlar”, - məlumatda bildirilib.
