İşğaldan azad olunan ərazilərdə flora və faunaya xüsusi nəzarət tədbirləri həyata keçirilir. Bu haqda DİN-in mətbuat katibi Elşad Hacıyev iyunun 22-də öz Facebook səhifəsində məlumat paylaşıb.
Həmin ərazilərdə nadir heyvan növlərinin – dağ keçiləri, cüyürlər, ayılar, bəbir, ular, Qafqaz tetrasının, çaylarda isə balıqların ovlanmasına, onlara zərər yetirilməsinə icazə verilmir. Həmin əraziyə gedən şəxslər bu barədə təlimatlandırılır.
Bununla bağlı aidiyyəti dövlət qurumları ilə birgə Daxili İşlər Nazirliyi tərəfindən polis və Daxili Qoşunların hərbi qulluqçularına müvafiq göstərişlər verilib.
