Əmək funksiyalarının distant (məsafədən) iş formasında yerinə yetirilməsini nəzərdə tutan qanun layihəsi üzərində iş davam etdirilir.
İnsanoid.com xəbər verir ki, Nazirlər Kabinetinin 2024-cü il üzrə hesabatına əsasən, distant (məsafədən) iş rejiminin tənzimlənməsi ilə bağlı qanun layihəsi üzərində iş davam edir.
Mövcud qanunvericiliyə görə, azyaşlı uşağı olan qadınlara qısaldılmış iş saatı, natamam iş rejimi və əlavə fasilələr verilir. Hamiləlik dövründə və 3 yaşına qədər uşağını təkbaşına böyüdən valideynlər üçün həftəlik iş saatı 36 saatdan artıq olmamalıdır.
Bundan əlavə, uşağı yaş yarımına çatmamış analara iş vaxtı ərzində əlavə fasilələr, yüngül iş şəraiti və ya müvafiq iş yeri təmin edilməlidir.
Hökumət əmək qanunvericiliyində yeni güzəştləri və distant iş imkanlarını genişləndirmək üçün Əmək Məcəlləsinə dəyişikliklər üzərində işləyir.
