Ermənistan Parlamenti martın 26-da keçirilən iclasda “Ermənistan Respublikasının Avropa İttifaqına üzvlük prosesinə başlanılması haqqında” qanunu ikinci və son oxunuşda qəbul edib.
İnsanoid.com Qanun layihəsi “Demokratik Qüvvələr Platforması” tərəfindən irəli sürülüb. Bu platforma parlamentdə təmsil olunmayan 4 partiyanın və bir sıra vətəndaş hərəkatlarının birliyidir. Onlar ölkə vətəndaşları arasında bu təşəbbüsə dəstək üçün 50 mindən çox imza toplamağa nail olublar.
2025-ci ilin yanvar ayının əvvəlində bu sənəd hökumət tərəfindən təsdiqlənmiş və parlamentin müzakirəsinə təqdim olunmuşdu. Həmin vaxt DW yazırdı ki, Ermənistanın baş naziri Nikol Paşinyan qanun layihəsinin qəbul ediləcəyi təqdirdə, “bu, Ermənistanın Avropa İttifaqına üzv olması anlamına gəlmir” demişdi. Onun sözlərinə görə, bu məsələ ilə bağlı son qərar yalnız referendum yolu ilə verilə bilər.
