Dünən, iyunun 30-da İspaniyanın Madrid şəhərində şahmat üzrə İddiaçılar Turnirinin 11-ci turunun oyunları keçirilib. Teymur Rəcəbov polşalı Duda ilə heç-heçə edib.
11 turun nəticələrinə görə 5 xalı olan Rəcəbov turnir cədvəlində 5-ci yerdə qərarlaşıb. Turun digər oyunlarında Nepomnyaşi Firuzcaya, Liren Karuanaya qalib gəlib, Rapportla Nakamura isə heç-heçə edib. Bu gün Rəcəbov qara fiqurlarla Lirenlə üz-üzə gələcək.
Qeyd edək ki, turnir iyulun 4-dək davam edəcək. Turnirin mükafat fondu 500 min avrodur. Qalib idmançı şahmat tacı uğrunda görüşdə dünya çempionu Maqnus Karlsenlə qarşılaşmaq hüququ əldə edəcək.
[gallery columns="1" link="file" size="full" ids="57070"]
