Hazırda dünyanın ən varlı adamı hesab edilən İlon Mask sahib olduğu sərvətə uyğun olmayan, sadə və eyni zamanda qeyri-ənənəvi həyat tərzi ilə yenidən gündəmdədir.
"Tesla", "SpaceX" və "X"in CEO-su dəbdəbəli malikanə əvəzinə cəmi 50.000 dollara və 35 kvadratmetr ölçüyə malik prefabrik evdə yaşayır. Üstəlik, bu kiçik evi 12 uşağı ilə bölüşür.
Maskın evi "SpaceX"in Texas ştatının Boka Çikadakı buraxılış yerinə çox yaxındır. "La Casita" adlanan bu kiçik mənzil prefabrik evlər istehsal edən "Boxabl" şirkəti tərəfindən quraşdırılıb. Təxminən 6x6 metr sahədə tikilmiş evdə mətbəx; hamam, qonaq otağı və yataq otağı. Ultra davamlı materiallardan hazırlanmış bu ev hətta qasırğalara da tab gətirir.
Məlumata görə, Maskın bu evdə yaşamaq üçün üç əsas motivi var. Bəziləri Maskın seçiminin davamlılıq və səmərəliliklə bağlı olduğunu desə də, əslində əsas səbəblər bunlardır:
- Prefabrik evlər istehsal edən Boxabl markasını qlobal miqyasda tanıtmaq,
- Milyard dollarlıq layihələri "demək olar ki, heç bir şey olmadan idarə edə bilən uzaqgörən bir insanı təsvir etmək",
- Marsda qurulacaq yaşayış sahələri üçün uyğunlaşma prosesinə başlamaq.
İlon Mask həqiqətənmi sadə həyat sürür, yoxsa onun bu evdə yaşaması bir ziddiyyətdir?
Kiçik bir evdə yaşasa da, şəxsi təyyarə ilə səfərə çıxır və sərvəti 330 milyard dolları ötdüyü üçün onlarla ölkənin milli gəlirindən daha çox kapitala malikdir.
