Daşınmaz əmlak üzərində ipoteka hüququnu təsdiq edən ipoteka kağızının tərtibi və qeydiyyata alınmasının elektron şəkildə həyata keçirilməsinə başlanılıb. Bu barədə 16 iyun tarixində İqtisadiyyat Nazirliyi məlumat verib.
Məqsəd elektron xidmətlərin tətbiqini genişləndirərək əlçatanlığı və operativliyi təmin etməkdir.
Qeyd olunub ki, əvvəllər bu sənədlər yalnız kağız daşıyıcıda tərtib edilirdi və Mərkəzi Bank tərəfindən kağız daşıyıcıda qeydiyyata alınırdı.
Həmçinin bildirilib ki, sözügedən əməliyyatların tam elektronlaşdırılması ölkədə kredit, ipoteka və daşınmaz əmlak bazarının inkişafına töhfə verəcək.
İstifadəçilər e-emlak.gov.az saytına daxil olaraq İpoteka Kağızının Elektron Sisteminə keçid edə bilərlər.
