2019-cu ilin əvvəli ilə müqayisədə bağlanmış əmək müqavilələrinin sayı 290 min vahid artıb və bu il mayın 1-nə 1 milyon 691,9 minə çatıb. Bu barədə mayın 25-də iqtisadiyyat naziri Mikayıl Cabbarov məlumat verib.
Qeyri-neft-qaz sektorunun özəl bölməsində isə həmin göstərici 242,6 min vahid artaraq 782,5 min olub.
Ötən il əmək müqaviləsi olmadan işləyən 267 şəxs aşkarlanıb. Hüquq pozuntularına yol verən işəgötürənlər barəsində 1,3 milyon manatdan çox cərimə tətbiq olunub. Qeyd edək ki, əmək müqaviləsinin bağlanmamasına görə fiziki və hüquqi şəxslər 2000 manatdan 25 000 manatadək maliyyə sanksiyaları və inzibati cərimələrlə cəzalandırılırlar.
