Peşəyönümü məsləhət xidmətini daha əlçatan etmək məqsədilə “İş Klubu” layihəsinə start verilib. Bu barədə iyunun 10-da Dövlət Məşğulluq Agentliyi məlumat yayıb.
Layihə tələbələr, yeni məzunlar, işsiz və işaxtaranlar üçün nəzərdə tutulub. Onlara həm məsləhət xidməti göstəriləcək, həm də praktiki olaraq iş axtarışı yolları izah olunacaq. Belə ki, layihə əmək bazarının cari vəziyyəti, effektiv rezüme hazırlığı, istək məktubunun yazılma qaydaları, müsahibəyə hazırlıq, iş axtarışı alətləri mövzularını əhatə edəcək.
Müraciət üçün son tarix iyunun 17-dir.
İştirak üçün müraciət formasını doldurmaq tələb olunur.
