İnformasiya sistemləri üzrə peşə hazırlığı kurslarının təşkilinə başlanılır. Bu haqda 14 iyunda Dövlət Məşğulluq Agentliyi məlumat verib.
Kurs iştirakçılarına Coğrafiya informasiya sistemlərinin (GİS) əsas tətbiqləri, şəhərsalmada GİS və s. haqqında ətraflı məlumat veriləcək. Təlimlər türkiyəli müəllimlər tərəfindən keçiriləcək.
Dərslər 3 ay davam edəcək, onlayn formada həftədə 3 dəfə, 2 saat olmaqla təşkil olunacaq. Tədris türk dilində aparılacaq.
İşsiz şəxslərə minimum aylıq əməkhaqqı məbləğində təqaüd ödəniləcək. Kursu müvəffəqiyyətlə bitirən şəxslərin məşğulluğuna dəstək göstəriləcək.
Peşə hazırlığına cəlb olunmaq istəyənlər ərazi üzrə Regional Məşğulluq filiallarına və ya “DOST” Mərkəzlərinə müraciət edə bilərlər.
