İsmayıllının İvanovka kəndində gecə saatlarında mağazadan oğurluq edən şəxs saxlanılıb. Bu haqda mayın 19-da APA məlumat paylaşıb.
Göyçay şəhər sakini mağazadan nağd pul, tütün məmulatları, müşahidə kameralarının yaddaş qurğusunu, kassa aparatını, 100 manat dəyərində “Poz, qazan” lotereyalarını və digər ərzaq məhsullarını oğurlayıb.
Əvvəllər narkotik vasitələrin satışına görə məhkum olunmuş şəxs törətdiyi əməli etiraf edib.
Faktla bağlı cinayət işi açılıb. Saxlanılan şəxs barəsində həbs qətimkan tədbiri seçilib.
