İsmayıllıdan keçən Girdiman çayına sel gəlib, avtomobili çay aparıb. Bu barədə mayın 17-də APA ms yayıb.
Rayonun Zərnava kənd sakini, 34 yaşlı Zamiq Ağayev idarə etdiyi “UAZ” markalı avtomobillə Girdiman çayından keçərək kəndinə gedərkən güclü sellə qarşılaşıb. O, avtomobili çaydan çıxara bilməyib, sel suları avtomobili bir neçə dəfə aşıraraq aparıb.
Sürücü müxtəlif dərəcəli bədən xəsarətləri alsa da, suda boğulmaqdan xilas olub. O, sudan çıxarılaraq xəstəxanaya aparılıb.
Qeyd edək ki, Zərnava kəndinə getmək üçün vətəndaşlar Girdiman çayı üzərindəki piyada körpüsündən istifadə edirlər və avtomobil körpüsü olmadığı üçün nəqliyyat vasitələri su az olduqda çayın içərisindən keçirlər.
