2019-cu ildə İspaniyanın Malaqa şəhərindəki bir laboratoriya səhvən saç uzadan məhsulu mədə qoruyucu dəstinə qablaşdırıb.
İspaniyanın “ABC” qəzeti xəbər verir ki, Əndəlüsdəki əczaçılıq şirkətinin səhvi ucbatından iki aydan yeddi yaşa qədər olan 20-yə yaxın uşaqda uzun tünd “lanuqo” tükləri uzanmağa başlayıb. Mədə qoruyucu vasitə kimi qablaşdırılan minoksidilin səhv qəbulu 20-yə yaxın uşaqda bu xəstəliyin diaqnozuna səbəb olub.
İlk şikayət 2019-cu ildə qeydə alınıb. Ailələr uşaqlarına omeprazol (mədə qoruyucusu) veriblər və bu dərmanı qəbul etdikdən bir neçə gün sonra ayaqlarının altı kimi qəribə yerlərdə tüklər çıxmağa başlayıb. Uşaqlar müxtəlif yaşlarda olublar və bu mədə qoruyucusundan təsirləniblər. Dərman partiyasını təhlil etdikdən sonra şirkətin bu bağışlanılmaz səhvi aşkar olunub. Preparatda mədə qoruyucusu yox, minoksidil üzə çıxarılıb. Uşaqlar saç böyüməsini stimullaşdırmaq və keçəlləşməni yavaşlatmaq üçün dərman qəbul edirdilər. “ABC” nərinin əldə etdiyi və prokurorun xülasəsinə daxil edilən diaqnozda onların adətən “canavar adam sindromu” kimi tanınan “hipertrikoz”a yoluxduğu məlum olub.
Ailələr “Farma Química Sur” əczaçılıq şirkətindən şikayət ediblər və hüquqi müstəvidə araşdırmalara başlanılıb. Bir neçə gün əvvəl Malaqa Respublika Prokurorluğu “saç uzanması” ilə bağlı işin ilkin olaraq dayandırılmasını istəyib. Bununla belə, valideynlər prosesin Malaqa məhkəməsində aparılmasını xahiş edir və “Farma Química Sur” şirkətinin baş meneceri, habelə dərmanları qablaşdıran laboratoriya texniki üçün beş ilə qədər həbs cəzası verilməsini istəyirlər.
Bununla belə, Respublika Prokurorluğu iddia edir ki, iş üzrə araşdırılan 4 nəfərə qarşı “ittiham irəli sürmək üçün kifayət qədər sübut yoxdur”. Ümumilikdə, toplanmış tibbi sənədlərə əsasən, uşaqlar tədricən sağalıblar.
İndi məhsulu etiketləyən şirkətə qarşı Respublika Prokurorluğunun şikayətindən sonra işi araşdıran Malaqa Birinci istintaq məhkəməsi qərar verməlidir. İstintaq minoksidilin tədarükündəki səhvin mənbəyini müəyyənləşdirib. Məlum olub ki, bu, iki aydan yeddi yaşa qədər olan 21 azyaşlıya təsir edib.
