Rəqəmsal sahədə yeni peşəyə yiyələnmək istəyənlər üçün “İT-Akademiya” təhsil layihəsinə start verilir. Bu barədə 21 iyun tarixində İqtisadiyyat Nazirliyinin rəsmi səhifəsində məlumat verilib.
Məlumata əsasən, layihə cari ilin avqust ayında başlayacaq. Təhsil xərclərinin əsas hissəsi layihənin təşkilatçıları və tərəfdaşları tərəfindən ödəniləcək. Layihədə 25 yaşdan yuxarı şəxslər iştirak edə bilər. Alqoritmik təfəkkür üzrə testdən və müsahibədən uğurlu keçən 300 namizəd “İT-Akademiya”nın tələbəsi olacaq. Layihə iştirakçıları veb tərtibatçı, sistem administratoru (inzibatçı) və testləşmə üzrə mühəndis peşələri üzrə lazımi biliklər əldə edəcəklər.
Dərslər onlayn və əyani rejimdə olmaqla 5 ay davam edəcək. Kursları müvəffəqiyyətlə bitirənlərə sertifikat veriləcək. “İT-Akademiya”da təhsil almaq istəyənlər linkdən istifadə etməklə qeydiyyatdan keçməlidirlər.
