Restoran və şadlıq saraylarında havaya normadan artıq tullantı atanlar barəsində tədbirlərin görülməsi üçün iyulun 1-dən monitorinqlər keçiriləcək. APA xəbər verir ki, bunu Ekologiya və Təbii Sərvətlər Nazirliyinin rəsmisi İradə İbrahimova deyib.
O əlavə edib ki, mövcud pozuntuları aradan qaldırmaları üçün istismarçılara monitorinqə qədər vaxt verilir.
Havaya normadan artıq atılmaların müəyyən ediləcəyi təqdirdə obyektlərin istismarçıları İnzibati Xətalar Məcəlləsinə əsasən cərimə ediləcək.
