İzmirin Çeşmə rayonunun İldır qəsəbəsində baş verən güclü meşə yanğını küləyin təsiri ilə sürətlə geniş əraziyə yayılıb.
İnsanoid.com xəbər verir ki, yanğına qarşı aparılan intensiv müdaxilələrə baxmayaraq, alov hələ nəzarət altına alına bilməyib.
Yanğının yaşayış məntəqələrinə yaxınlaşması səbəbilə bəzi evlərin təxliyəsinə başlanılıb. Əraziyə çox sayda yanğınsöndürən briqadalar, helikopter və təyyarələr cəlb olunub. İzmir Meşə Təsərrüfatı İdarəsinin əməkdaşları ilə yanaşı, Çeşmə və İzmir Böyükşəhər Bələdiyyələrinin yanğınsöndürən qrupları da söndürmə işlərinə fəal şəkildə qatılıb.
Rəsmi şəxslər vətəndaşlara yanğın zonasına yaxınlaşmamaq və təxliyə çağırışlarına riayət etmək barədə xəbərdarlıq edirlər.
