Kürdəmir rayonunda xəsarətlə nəticələnən yol qəzası baş verib. Bu haqda noyabrın 4-də Report xəbər verib.
Hadisə rayonun Xırdapay kəndində qeydə alınıb. Belə ki, "VAZ-2106" markalı və "VAZ-2107" markalı avtomobillər toqquşub. Nəticədə rayon sakinləri 27 yaşlı Rəsulov Zülfüqar və Səmədli Novruz müxtəlif dərəcəli bədən xəsarətləri alıblar.
Yaralılar dərhal Kürdəmir Rayon Mərkəzi Xəstəxanasına aparılıblar.
Faktla bağlı araşdırma aparılır.
