Kürdəmir rayonunun Qarasaqqallı kəndində taxıl sahəsində yanğın baş verib. Bu barədə iyunun 21-də Fövqəladə Hallar Nazirliyindən məlumat verilib.
Nəticədə 4 hektar sahədə biçilmiş taxıl sahəsi yanıb. Yanğın söndürülüb, alovun biçilməmiş taxıl sahəsinə keçməsinin qarşısı alınıb.
Kənd təsərrüfatı fəaliyyəti ilə məşğul olan vətəndaşlardan yay aylarında yanğın təhlükəsizliyi qaydalarına ciddi riayət etmələri xahiş olunur.
