Lerikdə axtarışda olan şəxs oğlu ilə birgə polis əməkdaşına xəsarət yetirib. Bu haqda iyunun 18-də Daxili İşlər Nazirliyinin rəsmisi Zeyni Hüseynov məlumat verib.
Hadisə dünən saat 12:00 radələrində Zərdəbərə kəndində baş verib. “Qəsdən sağlamlığa yüngül zərər vurma” maddəsi ilə axtarışda olan kənd sakini saxlanılarkən yanında olan oğlu ilə tabesizlik göstərib. Nəticədə polis əməkdaşına yaba ilə xəsarət yetirilib.
Hər iki şəxs tutulub. Faktla əlaqədar cinayət işi başlanılıb.
