Qubada qanunsuz qum-çınqıl hasilatı, Lerikdə torpaq sahəsinin qanunsuz zəbt edilməsi faktları ilə cinayət işləri açılıb. Bu barədə iyunun 23-də Baş Prokurorluqdan məlumat verilib.
Qubada “Qudyalçay” qum-çınqıl yatağında Qafar Rzayevə ayrılmış ərazidə kənar şəxslər tərəfindən qanunsuz qum-çınqıl hasilatı işləri aparılıb. Nəticədə 49 min manata yaxın ziyan dəyib.
Lerikdə isə Vizəzəmin meşəbəyiliyinin vəzifəli şəxsi istifadə və ya icarə hüququ olmadan torpaq sahəsini özbaşına tutub və həmin ərazidə tikinti işləri aparıb.
Faktlarla bağlı “torpaq üzərində mülkiyyət, istifadə və ya icarə hüququnu pozma”, “yerin təkinin qorunması və istifadəsi qaydalarını pozma” və “vəzifə səlahiyyətlərindən sui-istifadə” maddələrilə cinayət işi başlanılıb.
