Ötən gün lisenziyası dayandırılan “Laser Beauty Estetik” klinikanın hələ də fəaliyyət göstərməsi ilə bağlı məlumatlar var.
Məsələni dəqiqləşdirmək üçün Bakuplus.az–ın əməkdaşı estetik klinikanın İsmayılbəy Qutqaşınlı küçəsindəki filialı ilə pasiyent kimi əlaqə saxlayıb.
Əməkdaşımıza əvvəlcə klinikada lazer xidməti göstərilmədiyi bildirilsə də, sonradan “Laser Beauty Estetik”ə yaxınlaşaraq müraciət etməli olduğu deyilib:
“Yaxşı olardı ki, bu gün klinikamıza yaxınlaşasınız. Hansı prosedurun həyata keçiriləcəyini o zaman təyin edərik. İlk növbədə həkim sizə baxmalı və konsultasiya aparmalıdır. Ondan sonra qərar veriləcək”.
Xatırladaq ki, İqtisadiyyat Nazirliyinin dünən verdiyi məlumata görə, İsmayılbəy Qutqaşınlı küçəsində yerləşən “Laser Beauty Estetik” klinikasının fəaliyyəti dayandırılıb və filiala 2025-ci ilin 12 mart tarixinədək nöqsanların aradan qaldırılması üçün müddət qoyulub.
Əsmər Sənani
