Ali təhsil müəssisələrinin və AMEA-nın magistraturalarına mayın 29-da keçirilmiş qəbul imtahanının (II cəhd) nəticələri elan edilib. Bu haqda iyunun 1-də Dövlət İmtahan Mərkəzi məlumat paylaşıb.
İmtahan nəticələri ilə keçid vasitəsilə tanış olmaq olar. Həmçinin mobil operatorlar (Azercell, Bakcell, Nar, Naxtel) vasitəsilə buraxılış vərəqəsində göstərilən kodu 7727 nömrəsinə göndərməklə nəticəni öyrənmək olar.
Ən yüksək nəticə 100 baldan 99 bal olub.
İmtahan nəticələri ilə əlaqədar müraciətlərə baxılması üçün 6 iyun 2022-ci il tarixindən etibarən onlayn apellyasiya prosesi təşkil ediləcək. Müraciət etmək istəyənlər 2 iyun saat 10:00–dan 4 iyun saat 17:00–dək elektron ərizəni doldurmalıdırlar.
Ümumilikdə imtahanda iştirak etmək üçün 14 843 bakalavr qeydiyyatdan keçmişdir. Onlardan 203 nəfər imtahana gəlməyib, qaydaları pozduğu üçün 1 nəfərin nəticələri ləğv olunub.
